என்ன படிக்கலாம்? எங்கு படிக்கலாம்?

 ஜோதிடப்படி ,உங்கள் குழந்தைகள், 10வது படித்து முடித்தவுடன்,படிப்பில் *எந்தத் துறையை தேர்ந்தெடுத்தால் எதிர்காலம்  பிரகாசமாக அமையும் ?* 

(ஜோதிட ரீதியான வழிகாட்டல்.)

 பத்தாம் வகுப்பு பொது தேர்வுகள் தொடங்கிவிட்டன.

 மேற்படிப்பை தேர்ந்தெடுக்க கூடிய அமைப்பை, பத்தாம் வகுப்பில் மதிப்பெண்ணே தீர்மானிக்கும்.

 எல்லோரும் டாக்டராக வேண்டும் ,இன்ஜினியர் ஆக வேண்டும் என்று ஆசைப்பட்டாலும், எல்லோருக்கும், அந்தப் பிராப்தம் கிடைக்குமா? என்றால் இல்லை என்பது தான் உண்மை.

 பத்தாவது படிக்கும் காலத்திற்கு முன்பாகவே, ஒரு குழந்தை எந்த துறையில் , ஈடுபாட்டுடன் படிக்கிறது என்பதை ஆராய்வது ஒவ்வொரு பெற்றோரின் கடமை.

 கணிதமே வராத மாணவரை இன்ஜினியராக சொல்வதும், அறிவியலே வராத மாணவரை டாக்டராக சொல்வதும் கொடுமைதான்.

சரி,

 லக்ன, ராசிகளுக்கு  சில பொது பண்புகள் உண்டு. அந்த பொது பண்புகள்  ஜாதகருக்கு தூக்கலாக இருக்கும்.

 புதனின் லக்ன,ராசிகளான *மிதுனம் ,கன்னி லக்கனங்களுக்கு* பத்தாம் இடத்தோடு, புதன் தொடர்பு கொள்ளும் போது ,கணிதத் துறை கம்ப்யூட்டர் அறிவியல், எழுத்துத் துறை, அக்கவுண்டண்ட் சார்ந்த துறைகள் ,ஆடிட்டிங் துறை சிறப்பான அளவில் வளர்ச்சியை தரும்.

 *மேஷ, விருச்சிக லக்ன* ராசி காரர்களுக்கு, மருத்துவம், மருத்துவம்சார்ந்த துறைகள், சிவில் இன்ஜினியரிங் சார்ந்த துறைகள், கேட்டரிங்,போலிஸ், விவசாய படிப்புகளில்  அதிகமான ஈடுபாடு இருக்கும்.

 *கடக லக்ன ராசியை* பொருத்தவரை நீர் மேலாண்மை, மரைன் இன்ஜினியரிங், மீன்பிடித் தொழில்,ஆழ்கடல் ஆராய்ச்சி, இது சார்ந்த துறைகளை தேர்ந்தெடுத்து படிக்க வைப்பது நல்லது.

 *சிம்ம லக்ன ராசியை* பொறுத்த வரை நிர்வாகத்துறை சார்ந்த படிப்புகளை தேர்ந்தெடுப்பது நல்லது.MBA , அரசியலமைப்பு சட்டம் சார்ந்த துறைகள்,  நிர்வாகப் படிப்புகள்  இவர்களுக்கு நல்ல ஏற்றத்தை தரும்.

 *ரிஷப, லக்ன ராசிகளை* பொருத்தவரை,fashion desining , சட்டப் படிப்புகள், அழகு கலை சார்ந்த படிப்புகள், சினிமாத்துறையில் போட்டோகிராபி , சைக்காலஜி துறைகள் இவர்களுக்கு ஏற்றமானதாக அமையும்.

 *தனுசு,மீன லக்னங்களை* பொறுத்தவரை, ஆடிட்டிங், லெக்சரர், ஆசிரியப்பணி வங்கிப் பணி நிதி நிறுவனம்,income tax சார்ந்த துறைகள், உபதேசம் செய்யக்கூடிய துறைகள் அனைத்தும் சிறப்பாக அமையும்.

 *மகர  கும்ப லக்னங்களை* பொறுத்தவரை மெக்கானிக்ல்,  பிரித்தெடுக்கும் எந்த உலோகம் மற்றும் திரவியத்துறைகளும்,

ஏரோநாட்டிக்கல் இன்ஜினியரிங், உடல் உழைப்பில் பிழைக்கக் கூடிய அனைத்து துறைகளும், இவர்களுக்கு ஏற்றமானதாக அமையும்.

 மேற்சொன்ன பலன்கள் பொதுப் பலனாக இருந்தாலும், மேற்சொன்ன லக்ன ராசிகளைப் பெற்றவர்களுக்கு அந்தத் துறைகளில் ஈடுபாடு அதிகமாகவே இருக்கும்..

 உதாரணமாக *விருச்சிக லக்னத்திற்கு பத்தாம் இடத்தில் செவ்வாய் திக்பலம் பெற்று தன்னுடைய நட்பு வீடான சூரியனுடைய வீட்டில் ,அமர்ந்து ,குரு பார்வையில் இருக்கும் பட்சத்தில், மருத்துவக் கனவு MBBS நனவாகும்.* 

 செவ்வாய் ஓரளவு வலு குறையும் பட்சத்தில், மருத்துவம் சார்ந்த துறைகளான பல் டாக்டர், பிசியோதெரபி, பார்மசி போன்றவை கைகூட பெறும்.அதை முன்னெடுப்பது நல்லது.

 *விருச்சிக லக்ன ராசி மாணவர்களை, புதன் எவ்விதத்திலும் வலுப்பறாத நிலையில், இன்ஜினியரிங் சேர்க்க முயற்சிப்பது மடமை.*

* 

( மருத்துவக் கல்வியில், ஆர்வமில்லாத குழந்தையை, நீட் தேர்வுக்கு  முயற்சி செய்யத் சொல்வதெல்லாம் மடமை தான்.

காசுக்கு பிடித்த கேடு)

 இங்கு நாம் புரிந்து கொள்ளக் கூடிய  விஷயம்.

 *விருச்சிக லக்ன ராசிக்காரர்களுக்கு* டாக்டர் படிப்பு கிடைக்கவில்லை என்றால், அது சார்ந்த துறைகளை தேர்ந்தெடுத்து படிக்க வைப்பது தான் , படிப்பில் தடை இல்லாத அமைப்பை கொடுக்கும். படிப்பையும் எளிதாக படித்து முடிக்க இயலும்.

 இங்கு தொழில் ஸ்தான அமைப்புகளும், அப்போது நடக்கும் தசா புத்திகளும் கண்டிப்பாக ஆராயப்பட வேண்டும்.

 இயற்கையும், கடவுளும்  இங்கு ஒவ்வொருவருக்கும் தனிப்பட்ட அமைப்பில், சில  ஆளுமைகளை கொடுத்தே  அனுப்பி வைக்கின்றன.

 அந்தத் துறையை நாம் தேர்ந்தெடுத்து  படித்து முன்னேறினால், அந்த துறையில் சிறப்பான எதிர்காலத்தை உருவாக்கிக் கொள்ளலாம்.

 படிப்பது ஒரு துறையாக இருந்தாலும், ஜாதகத்தில் பத்தாம் அதிபதி சுப வலுடன் இருக்கும் பட்சத்தில், அந்தத் தொழில் ஜாதகருக்கு அமையும்.

 ஜாதகத்தில் பத்தாம் அதிபதி ஓரளவு வலு குறையும் பட்சத்தில், தசாகளுக்ககு ஏற்றவாறு சிலருக்கு தொழில் அமையும்.

 இது அந்த ஜாதகத்தின் தனிப்பட்ட நிலை அறிந்து ஆராயப்பட வேண்டும்.

உனக்கு பிடித்த துறையை தேர்ந்தெடுத்து அதில் நல்ல மதிப்பெண்கள் பெற்று சிறப்பாக பணியாற்ற *வாழ்த்துக்கள்* 👍🤝💐